ආණ්ඩුවේ අමාත්‍ය ධුරවලින් ඉල්ලා අස්වූ රවුෆ් හකීම්, රිෂාඩ් බදුර්දීන් ඇතුළු මුස්ලිම් මැති ඇමතිවරුන් කිහිප දෙනෙකු මීට පෙර ඔවුන් දැරූ අමාත්‍යධුරවල යළි දිවුරුම් දී තිබේ.
ජනාධිපති කාර්යාලයේදී ජනාධිපති මෛත්‍රීපාල සිරිසේන මහතා ඉදිරියේ මීට ස්වල්ප වේලාවකට පෙර මෙම දිවුරුම්දීම සිදුවිය.
පාස්කු ඉරිදා ප්‍රහාරයට සම්බන්ධ අන්තවාදී කණ්ඩායම්වලට දේශපාලන රැකවරණ ලබාදුන් බවට චෝදනා එල්ල කරමින් අමාත්‍ය රිෂාඩ් බදුර්දීන් මහතාට එරෙහිව ඒකාබද්ධ වික්ෂය පාර්ලිමේන්තුවට විශ්වාසභාංග යෝජනාවක් බාරදීම, පූජ්‍ය අතුරලියේ රතන හිමියන්ගේ මාරාන්තික උපවාසය යන කරුණ හේතුවෙන් රිෂාඩ් බදුර්දීන් මහතා ඇතුළු ආණ්ඩුව නියෝජනය කළ සියලු මුස්ලිම් මැති ඇමතිවරුන් අමාත්‍යධුරවලින් ඉල්ලා අස්විය.
රිෂාඩ් බදුර්දීන් මහතාට කිසිදු චෝදනාවක් එල්ල වී නොමැති බව අග්‍රාමාත්‍ය රනිල් වික්‍රමසිංහ මහතා පසුගියදා ප්‍රකාශ කිරීමත් සමගම යළි අමාත්‍යධුරවල දිවුරුම් දීමට මෙම පිරිසගේ අවධානය යොමුවිය.