වලපනේ මලපට්ටාව ප්රදේශයේ නායයෑමට හේතු වූ බව පැවසෙන ගල් කොරියේ බලපත්රය තාවකාලිකව අවලංගු කර තිබේ.
ඒ නුවරඑළිය දිස්ත්රික් ලේකම්වරයාගේ මැදිහත්වීමෙනි, ඔහු සදහන් කරන්නේ නායයෑමට ආසන්නයේ ඇති මෙම ගල්කොරිය සම්බන්ධයෙන් අති විශාල මහජන විරෝධයක් එල්ල වී ඇති බවයි.
මෙම ජනතා විරෝධය වරින් වර ඇති වු බවත් ඒ සෑම අවස්ථාවක දීම භූ විද්යා හා පතල් කැණීම් කාර්යාංශයට,ගොඩනැඟිලි පර්යේෂණ ආයතනයට හා මධ්යම පරිසර අධිකාරියට දැනුම් දී පසුව නායයෑම් සඳහා මෙම ගල්කොරියේ කිසිදු සම්බන්ධයක් නොමැති බව අගෝස්තු මාසයේ දී දැනුම් දී තිබු බවත් නුවරඑළිය දිස්ත්රික් ලේකම්වරයා මෙහිදී පැවසීය.
ඒ අනුව භූ විද්යා හා පතල් කාර්යංශයෙන් මෙය සිදු කිරීමට අවසර ලබා දුන් බවත් පැවසු ඒ මහතා මහජන විරෝධය හා නායයෑම හේතුවෙන් නැවත ඉල්ලීමක් කර මෙය වහාම අත්හිටුවන ලෙස පැවසු බවත් කියා සිටියේය.
පසුව මේ ගැන අධි තාක්ෂණික උපකරණ යොදා ගෙන පරීක්ෂණයක් කර යම් තීරණයක් ලබා ගන්නා තුරු මෙය තාවකාලිකව අත්හිටවු බවත් දිස්ත්රික් ලේකම්වරයා මෙහිදී වැඩිදුරටත් පැවසීය.
තම ඉල්ලීම මත භූ විද්යා හා පතල් කැණීම් කාර්යාංශය විසින් මෙම තීර්ණය ගෙන ඇති බවද පැවසු ඒ මහතා, අද උදෑසන 11 ට මධ්යම පළාත් ආණ්ඩුකාරවරයාගේ ප්රධානත්වයෙන් රැස්වීමක් පැවැත් වෙන බවත් පසුව මෙම ගල්කොරිය දිගටම අත්හිටුවන වාද නැතිනම් පරීක්ෂණයක් සිදු කරනවා ද යන්න පිළිබඳ අවසන් තීරණය ගනු ලබන බවත් කියා සිටියේය