පසුගිය කාලයේ දී ශීඝ්‍ර දියුණුවක් පෙන්වූ කුරුණෑගල සමූපකාර රෝහලේ නව අංශයක් විවෘත කිරීම සඳහා පැවැත්වූ උත්සවයක් කඩාකප්පල් කිරීමට ප්‍රදේශයේ දේශපාලන බලධාරින් විසින් මාර්ග සංවර්ධන අධිකාරියේ සේවකයන් යොදාගත් බවට චෝදනා එල්ල වේ.
සමූපකාර රෝහලේ සභාපතිවරයා විසින් එම උත්සවයට ආරාධනා කර ඇත්තේ ආණ්ඩුකාරවරයාට සහ ජයරත්න හේරත් මන්ත්‍රීවරයාට පමණි. ප්‍රදේශවාසීන් සඳහන් කරන්නේ ඒ පිළිබඳව උරණ වූ හිටපු අමාත්‍ය ජොන්ස්ටන් ප්‍රනාන්දු විසින් මාර්ග සංවර්ධන අධිකාරියේ සේවකයන් යොදවා උත්සවය සඳහා මාර්ගය දෙපස දමාතිබූ කොඩි ගලවා දැමීමට උත්සාහ කළ බවය. ඊට එරෙහි වූ සමූපාකාර සේවකයන්ට මාර්ග සංවර්ධන අධිකාරියේ සේවකයන් පහරදීම නිසා දෙපාර්ශ්වය අතර ගැටුමක් ඇති වී තිබේ.
දේශපාලන බලපෑම් මත ක්‍රියාත්මක වූ පොලිසිය එක් පාර්ශ්වයක් පමණක් අධිකරණයට ඉදිරිපත් කර ඇති අතර, ගැටුමට සම්බන්ධ නොවූ සභාපතිවරයා ද අත්අඩංගුවට ගෙන උසාවියට ඉදිරිපත්කර ඇත.
සභාපතිවරයාට ඇප ලැබී ඇතත් සේවකයන් පිරිසක් බන්ධනාගාර ගතකර ඇති බවයි වාර්තා වන්නේ.
Be First to Comment