ජනාධිපති රනිල් වික්‍රමසිංහ මහතා පනත් 104ක් ගෙන ඒ්මට බලාපොරොත්තු වන බව පවසා ඇති බවත්, ඉන් එක් පනතක් වන්නේ රාජ්‍ය ණය කළමනාකරණ පනත බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.
මෙම පනතෙන් ණය කළමනාකරණය කිරීම සඳහා කාර්යාලයක් පිහිටුවන බවද, එම කාර්යාලයේ බලය සම්පූර්ණයෙන්ම ලැබෙන්නේ මුදල් ඇමැතිවරයා ලෙස ජනාධිපතිවරයාට බවද ඒ මහතා සඳහන් කරයි.
මෙම පනත ගැඹුරින් අධ්‍යයනය කිරීමේ දී මෙහි යටි අරමුණු කිහිපයක් හඳුනාගත හැකි බවත් පවසන වසන්ත බණ්ඩාර මහතා, මෙම පනතෙන් නඩු නොවැටී, හිරේ නොයා බැඳුම්කර වංචා සිදුකළ හැකි බවද පෙන්වා දෙයි.
මීට පෙර තිබූ මුදල් පනත මගින් මහ බැංකුව විසින් රාජ්‍ය ණය කළමනාකරණය කළ යුතු වුවද මෙවර මහ බැංකු පනතෙන් රාජ්‍ය ණය කළමනාකරණය කිරීමට මුදල් ඇමැතිවරයාට ඉඩක් සකස් කළ බවද, එම ඉඩ පාවිච්චි කර දැන් මෙම යාන්ත්‍රණය සකස්කර ඇති බවද ඒ මහතා පවසයි.
මෙම කාර්යාලයේ සම්පූර්ණ බලය මුදල් ඇමැතිවරයා ලෙස ජනාධිපතිවරයාට ලැබී ඇති බවත්, මෙම කාර්යාලයෙන් බැඳුම්කර නිකුත් කරද්දී වෙළෙඳපොළ ක්‍රමවේදයන් අනුගමනය නොකර බැඳුම්කර නිකුත් කිරීමට ජනාධිපතිවරයාට බලය ලැබී ඇති බවත් වසන්ත බණ්ඩාර මහතා පෙන්වා දෙයි.
Be First to Comment