ඒ අමෙරිකානු වුවමනාව වළක්වන්න පූර්ව කොන්දේසිය තමයි මරාගෙන මැරෙන පිස්සා හදන වහබ් අන්තවාදය අතුගා දැමීම‍ – විමල් වීරවංශ

මුස්ලිම් හා සිංහල ජාතින් අතර ගැටුම් ඇතිකිරීමෙන් අමෙරිකාවට මෙරට තුළ කඳුවුරු බැඳීමට පහසු වන බව ජාතික නිදහස් පෙරමුණේ පා.ම විමල් වීරවංශ මහතා පවසයි.

ඔහු මේ බව ප්‍රකාශ කළේ ඊයේ (28) වහබ් අන්තවාදයට එරෙහි ජනතා ව්‍යපාරය විසින් සංවිධානය කරන ලද ජන රැලියක් අමතමිනි.

එහිදී සිය අදහස් දක්වමින් ඒ මහතා මෙසේ පැවසීය.

වහබ් අන්තවාදයට එරෙහි ජනතා ව්‍යාපාරය විසින් පවත්වනු ලබන දෙවන ජනතා රැලිය කුරුණෑගල නව නගර ශාලාවේදී අද පැවැත්වුණි.

“මුස්ලිම් අයයි සිංහල අයයි මරාගන්න ලංකාවක් හැදුවොත් අමෙරිකාවට මේ රට සදාකාලිකවම තමන්ගේ මිලිටරි තිප්පල බවට පත් කර ගන්න පුළුවන්.

එතෙන්ට තමයි මේ රට ඇදගෙන යන්නේ.

ඒ අමෙරිකානු වුවමනාව වළක්වන්න පූර්ව කොන්දේසිය තමයි මරාගෙන මැරෙන පිස්සා හදන වහබ් අන්තවාදය අතුගා දැමීම‍.

ඒක මුලින් උපුටා දමන්න බෑ අන්තාවදීන්ගේ ප්‍රාණ ඇපයට හසුවූ ආණ්ඩුවකින්.
 
නව පාලනයක් ජාතිය ඉල්ලනවා.

අපේ දේශපාලන නායකයන් පොළඹවන්න ඕන වහබි අන්තාවාදයට උඩගෙඩි දෙන දේශාපාලනඥයින් බැහැර කරලා ආණ්ඩුවක් පිහිටුවන්න.”

එම ජන රැලියේදී අදහස් දැක්වූ පිවිතුරු හෙළ උරුමයේ නායක උදය ගම්මන්පිල මහතා අදහස් දක්වමින් ප්‍රකාශ කළේ

“විවාහ නීතිය වෙනස් විය යුතුයි කිවුවාම අසාත් සාලි අපිට කියනවා එයාලගේ නීතිය එයාලා බලාගන්නවා කියලා.මුස්ලිම්වරු ආවේ බිරින්දෑවරු අරන් නෙමෙයි. බැන්දෙ සිංහල අපේ අය.එනිසා අපි කියනවා එක පිරිමියාට එක බිරිඳයි.කසාද වයස අවු.18යි.කාන්තාවට විවාහයට කැමැත්ත අවශ්‍යයි.සාධාරණ හේතුවක් නැතුව දික්කසාද කරන්න බැහැ.

කාන්තාවන්ට වැඩ කරන්න අයිතිය තිබිය යුතුයි.කාති උසාවියේ නීතිඥවරු හරහා කරුණු දක්වන්න අයිතිය තිබිය යුතුය්. මුස්ලිම් සමාජය වහාබ් අන්තවාදයට යට වී අවසන්. ආණ්ඩුවත් අන්තවාදයට යටවෙලා ඉවරයි. මේ යන විදිහට කාදිනල්තුමායි කතෝලිකයොයි වැරදිකාරයෝ වෙනවා.

ඉදිරි මාස 4 තුළ පත්වන අපේ ආණ්ඩුවෙන් ස්වාධීන වු ජාතික කොමිසමක් පත් කරලා අපක්ෂපාතීව විමර්ශනයක් කරලා වැරදිකරුවන්ට නිසි දඬුවම් කරලා තුවාල වු හැම හිතක්ම සුවපත් කරනවා.”‍

මෙම ජනරැලියේදී මහාචාර්ය පූජ්‍ය ඉදුරාගාරේ ධම්මරතන හිමි, මහාචාර්පූය පූජ්‍ය මැදගොඩ අභයතිස්ස හිමි, රියද් අද්මිරාල් සරත් වීරසේකර, අදහස් දක්වමන ලදී.