“මගේ නිල කාලය ඉවරනිසා සමහරඅය හිතාගෙන ඉන්නවා මම ඉවරයි කියලා. නෑ. මම දේශපාලනයේ නැවත උපදිනවා”යැයි හිටපු ජනාධිපති මෛත්‍රිපාල සිරිසේන මහතා අද(30) පොලොන්නරුවේදී ප්‍රකාශ කලේය.
හිටපු ජනාධිපතිවරයාගෙන් ඉටුවූ මෙහෙවර අගැයීම වෙනුවෙන් පොලොන්නරුව පුලතිසි බුද්ධිමණ්ඩපයේ පැවැති මෛත්‍රී ප්‍රසාද ප්‍රණාම උළෙල අමතමින් ඒ මහතා මේ බව කීය.
එහිදී වැඩිදුරටත් අදහස් දැක්වූ හිටපු ජනාධිපතිවරයා මෙසේද පැවැසීය. “සමහර අය මට තේරෙනවා මට පේනවා දැනුත් කියන කරන දේවල්වලින්. ඒ අය හිතාගෙන ඉන්නවා මගේ නිල කාලය ඉවර නිසා මම ඉවරයි කියලා. නැහැ මම දේශපාලනයේ නැවත උපදිනවා. මගේ පණකෙන්ද තියෙනකම්, අවසන් හුස්ම යනකම් මිනිස්සුන්ටත්, රටටත් මම සේවය කරනවා. ඒක නවත්වන්න කාටවත් බෑ”යැයිද කීවේය.
Be First to Comment