ස්ථාවර පාර්ලිමේන්තුවක් සැදීමටනම් ඉදිරි මහ මැතිවරණයේදී සියල්ලන් එක්වූ පොදු සන්ධානයකින් තරග කිරීම ඉතා වැදගත් බව කුඩා හා මධ්‍ය පරිමාණ ව්‍යාපාර සහ ව්‍යවසාය සංවර්ධන,කර්මාන්ත සහ සැපයුම් කළමණාකරණ අමාත්‍ය විමල් වීරවංශ මහතා පවසයි.
අමාත්‍යවරයා මේබව ප්‍රකාශ කළේ අද(02) මහනුවරදී මාධ්‍ය අමතමින්ය.
කුඩා හා මධ්‍ය පරිමාණ ව්‍යාපාර සහ ව්‍යවසාය සංවර්ධන හා කර්මාන්ත හා සැපයුම් කළමනාකරණ අමාත්‍ය විමල් වීරවංශ මහතා අද පෙරවරුවේ මහනුවර ශ්‍රී දළදා සමිඳුන් වැඳපුදා ගත්තේය.
අනතුරුව මල්වතු මහා විහාරය වෙත පැමිණි අමාත්‍යවරයා එම පාර්ශ්වයේ මහානායක අතිපූජ්‍ය තිබ්බටුවාවේ ශ්‍රී සුමංගල මහ නා හිමියන් බැහැදුටුවේය.
අනතුරුව විමල් වීරවංශ අමාත්‍යවරයා අස්ගිරි පාර්ශ්වයේ මහානායක පූජ්‍ය වරකාගොඩ ශ්‍රී ඥානරතන නාහිමියන් බැහැදැක ආශිර්වාද ලබාගත්තේය.
පසුව අමාත්‍යවරයා පූජ්‍ය කැප්පෙටියාගොඩ සිරිවිමල නාහිමියන් බැහැදැකීමට ගැටඹේ රාජෝපවනාරාම විහාරස්ථානය වෙත පැමිණියේය.
එහිදී මාධ්‍යෙව්දීන් ඇසූ ප්‍රශ්නවලට පිළිතුරු දුන් අමාත්‍යවරයා
ප්‍රශ්නය- මහමැතිවරණයට කොයි ආකාරයෙන්ද ඉදිරිපත්වෙන්නෙ ? මේ වගේම සන්ධානගතවද ? පොහොට්ටුවෙන්ද ?
අමාත්‍ය විමල් වීරවංශ:- එකඟතාවය ආරක්ෂා කළ යුතුයි. දෙමළ, මුස්ලිම් ජනතාව. අවබෝධ කරගනිමින් ඉන්නවා. ඔවුන්ව රැවටූ බවට. මහමැතිවරණයේදී ඔවුන් අත්වැල් බැඳගනී
ප්‍රශ්නය:- පසුගිය රජය සමයේ දිගින් දිගටම මූල්‍ය වංචා සිදුවුණා. ඒවගේම වංචා දූෂණ සිදුවුණා, පරිසර විනාශ කිරීම් බරපතළ ආකාරයෙන් සිදුවුණා. නමුත් දැන් මේ වනවිට ඒ සම්බන්ධයෙන් කවුරුත් කතාකරන්නෙ නැහැ.
අමාත්‍ය විමල් වීරවංශ:- මේක වැඩ කරන ආණ්ඩුවක්. ජනපති වැඩභාරගෙන ටික කාලයයි. ඒ කාලයේදී කරපු වැඩ රටම දන්නවා තාම එකපාරයි කැබිනට් මණ්ඩලය රැස්වුණේ. මැරතන් එකක් දුවන්න බලන් ඉන්නෙ
ප්‍රශ්නය:- උතුරු නැගෙනහිරටත් කර්මාන්ත ගෙනයාමේ වැඩපිළිවෙළක් අරඹනවාද ?
අමාත්‍ය විමල් වීරවංශ:- වාලච්චේන කඩදාසි කම්හල ආරම්භ කරනවා. උතුරු නැගෙනහිර අකර්මණ්‍ය රජයේ කර්මාන්ත. මහමැතිවරණයට පෙර ආරම්භ කරනවා“
Be First to Comment