දෘෂ්ටි මායාවක් සහිත ස්ථානයක් නාඋල – ඇළහැර මාර්ගයේ මොරගහකන්ද ප්‍රදේශයෙන් සොයාගෙන තිබෙනවා.
මෙම ප්‍රදේශයේ වාහනයක් නියුට්‍රල් ගියරයේ කන්දක් මතට ධාවනය වන අයුරු දැකගැනීමේ හැකියාව පවතිනවා.
මේ පිළිබඳව පේරාදෙණිය විශ්වවිද්‍යාලයේ හිටපු උපකුලපති ජ්‍යෙෂ්ඨ භූ විද්‍යාඥ මාහාචාර්ය අතුල සේනාරත්න පවසන්නේ දෘෂ්ටි මායාවක් හේතුවෙන් මෙම සංසිද්ධිය සිදුවන බවයි.
මෙම ස්ථානය පිළිබඳ අවධානය යොමුව තිබුණේ හිටපු යුද හමුදා කර්නල්වරයෙකු වන රත්නප්‍රිය බන්දු මේ පිළිබඳව මහාචාර්ය පේරාදෙණිය විශ්වවිද්‍යාලයේ හිටපු උපකුලපති ජ්‍යෙෂ්ඨ භූ විද්‍යාඥ මහාචාර්ය අතුල සේනාරත්නට විඩීයෝවක් මඟින් කළ දැනුම්දීමක් හේතුවන්.
ඒ අනුව මාහාචාර්ය අතුල සේනාරත්න එම ස්ථානය පරීක්ෂාවට ලක් කරනු ලැබුවා.
මෙම මාර්ගය පියවි ඇසින් දැකීමේදී නිරීක්ෂණය වන්නේ කන්දක් ලෙසට බවයි සඳහන් වන්නේ.
ඊට අදාළ මාර්ග සළකුණු ද මාර්ග සංවර්ධන අධිකාරිය විසින් මෙහි සවිකර තිබෙනවා.
Be First to Comment