පසුගියදා පැවැති කෝප් කමිටුවේ දී නියෝජ්‍ය සෞඛ්‍ය සේවා අධ්‍යක්ෂ ජෙනරාල්වරයා කරුණු දක්වමින් තහවුරු කරන ලද්දේ විවිධ හේතු මත මේ වසර තුළදී පමණක් වෛද්‍යවරුන් නමසිය පනස් හත් දෙනෙක් සේවයෙන් ඉවත්ව ගිය බවයි
එහෙත් එසේ සේවය හැර යන වෛද්‍යවරුන් රඳවා ගැනීමට මේ දක්වා නිසි වැඩපිළිවෙලක් නොමැති අතර කෝප් කමිටුවේ දී කරුණු පැහැදිලි වූයේ විශ්‍රාම යන විශේෂඥ වෛද්‍යවරුන් නැවත බදවා ගැනීමට ද නිසි වැඩපිළිවෙලක් නොමැති බවයි
එසේම රට තුළ වෛද්‍යවරුන් 2500 ක හිඟයක් ඇති බව ද එහිදී ප්‍රකාශ විය
මේ වසරේ නොවැම්බර් මාසෙදි තවත් රජයේ වෛද්‍ය පීඨ වලින් දහසක් පමණ සහ කොතලාවල ආරක්ෂක විශ්වවිද්‍යාලය වෛද්‍ය පීඨයෙන් විදේශ විශ්වවිද්‍යාලවල පුහුණුව ලැබූ වෛද්‍යවරුන් සමග 1500 , කට අධික ප්‍රමාණයක් සේවයට එක්වීමට නියමිතව ඇත
ඉහත දක්වා ඇති වෛද්‍යවරුන් අතරින් කී දෙනෙක් රට හැර යාවි දැයි කිසිවෙක් දන්නේ නැත
වෘත්තිකයන් රට හැර යාමට විශේෂ හේතූන් ඇති අතර වැටුප අවම වීම දිනකට පැය හතරකට වඩා අතිකාල සේවය යෙදුණොත් ලබා ගත හැකි පැය ගණන සීමා වීම එසේ ලබා ලබා ගන්නා වැටුපට ගෙවනු ලබන බදු සහ ලබා ගන්නා බදු මේ රටේ යහපත වෙනුවෙන් යෙදවෙන්නේ නැති බව පැහැදිලිව දැන ගැනීම
රට තුළ පවත්නා උද්ධමනය උසස් වීමේ දී නිරතවන තනතුරු වලට සරිලන වැටුප් ව්‍යූහයන් සකස් නොවීම අදාල වෛද්‍යවරුන්ගෙන් සේවය රටපුරා ලබාගැනීමේදී විවිධ ප්‍රදේශ වලට මාරු කරමින් නිසි ක්‍රමවේදයකින් තොරවීම වෘත්තියෙහි කෙතරම් කැපවීම් කළත් එයට සරිලන මානසික තෘප්තියක් නොලැබීම යන කරුණු විශේෂයෙන් එයට අදාළ වේ
එවන් පසුබිමක රට හැර යන වෛද්‍යවරුන් නවතා ගැනීමට එවැනි ගැටලුවලට පිළියම් යොදනු විනා අපූරු කැකිල්ලේ තීන්දුවක් සෞඛ්‍ය සේවා අධ්‍යක්ෂ ජනරාල්වරයා වෙනුවෙන් තීන්දුවක් ගෙන ඇති බව වාර්තා වේ
එය අපූරුම තීන්දුවකි කැකිල්ලේ ම තීන්දුවකි
විශේෂඥ වෛද්‍යවරයෙක් වීමට ප්‍රථම මෙරට දී වසර හතරක් පහක් එම සේවය වෙනුවෙන් පුහුණු විය යුතු අතර ,පශ්චාත් උපාධි ආයතනයට අනුයුක්තව රෝහල් වල සේවය කරන අමතර රාජකාරි වලට ගෙවන අතිරේක සේවා දීමනාවද සෑම විටම ලැබෙන්නේ නැත.
දළ වශයෙන් මාසිකව රුපියල් එක්ලක්ෂ හාර දහසක් පමණ වැටුපක් ලබන අතර එය ඔහු විසින් තමන්ගේ ජීවන පැවැත්ම අඹු දරුවන් පෝෂණය කිරීම වෙනුවෙන් වැය කිරීමට ප්‍රමාණවත් ද යන්න වෙනම සිතා බැලිය යුතු කාරණයකි
සෞඛ්‍ය අමාත්‍යංශයේ මේ අමුතු කැකිල්ලේ තීන්දුව ලබාදී ඇත්තේ මෙරට දී සේවය කල එම වසර හතරක හෝ පහක වැටුපද විශේෂඥ සේවයට ලබාදුන් වැටුපක් ලෙස අර්ථකථනය කරමින් අපූරු කැකිල්ලේ තීන්දුවක් ලබා දීමයි
සීමාවාසික වෛද්‍ය වරයෙක් පැය 24 පුරා වසරක් එක දිගට රුපියල් පනස් හතර දහසක මාසික වැටුපකට සේවය කිරීම නිවැරදිව ගණනය කළහොත් එය ඔහු හෝ ඇය වෛද්‍ය විද්‍යාව ඉගෙන ගැනීම වෙනුවෙන් වෙනුවෙන් රජයට ගෙවිය යුතු බදු මුදල් ගෙවා අවසානය
එවැනි ම ආකාරයෙන් මෙරට දී පශ්චාත් උපාධිය සඳහා පුහුණුවන වෛද්‍යවරයෙක් තමන්ගේ වැටුප පමණක් ලබාගෙන කිසිදු අතිකාල දිමනාවක් ලබා නොගෙන රෝහල් තුළ කාල සීමාවක් නොමැතිව වසර පහක් හෝ හතරක් මෙරටට සේවය ලබාදීම ම ඔහු හෝ ඇය පශ්චාත් උපාධිය වෙනුවෙන් විදේශයට වියදම් කරන මුදල වෙනුවෙන් කරන සේවය ගණනය කළහොත් එය මගින්ම නිශේධනය කළ හැකි වේ
රට යන දොස්තරලා රඳවා ගැනීමට ඔවුන්ගේ ජේෂ්ඨ තාවය මත උසස්වීම් මත වැටුප් හා දීමනා ගෙවීමටත් ඔවුන්ගේ ඉගෙනීමේ සුදුසුකම් මත රටේ අනෙකුත් ඒ හා සමාන නිලධාරීන්ගේ වැටුප් තල වලට සමාන වැටුපක් ගෙවිය යුතු වුවත් එමඟින් රට යන දොස්තරවරු මෙරට තුළ තුළ රඳවා ගැනීමට වැඩපිළිවෙළක් සැකසිය යුතු වුවත්
එවැනි කරුණු උපයෝගී කරගනිමින් රට හැරදා යන දොස්තරවරුන් මෙරට තුළ රඳවා ගැනීමට හැකියාවක් සහ අවශ්‍ය වැඩපිළිවෙළ සැකසිය යුතු වුවත් එසේ නොකොට කැකිල්ලේ තීන්දු ලබාදීම ශ්‍රී ලංකාවේ සෞඛ්‍ය සේවයේ පරිපාලනය දුර්වලතාව මැනවින් ප්‍රදර්ශනය කර ඇත
එය එසේ නොවේ නම් කෝටි 35 කට අධික බාල බෙහෙත් ගෙන්වා ඒවා විනාශ කර දැමීමට සිදු වන්නේද නැත
විශේෂඥ වෛද්‍ය වරයෙක් විදේශ රටක සේවයට යන විට අත්සන් කරන බැඳුම් කරයට, පශ්චාත් උපාධි සමයේ තමා කල සේවයට ලැබූ වැටුපද අයකර ගැනීමට මාන බැලීමේ අපූරු කැකිල්ලේ තීන්දුවක් ඇතැම් වෛද්‍ය පරිපාලන අධ්‍යක්ෂ වරුන් එක්වී ක්‍රියාත්මක කර තිබේ. සෞඛ්‍ය අමාත්‍යාංශය විසින් එම උපදෙස් දෙන්නේ නම් එවැනි විහිළු සහගත අමාත්‍යාංශයක් ලොවෙත් නැති ලොවි ගහෙත් නැත
මෙහිදී අනෙක් විශේෂ කරුණ වන්නේ, රාජ්‍යය පරිපාලන සේවයේ නිලධාරීන් හෝ අමාත්‍ය වරයාට හෝ කැබිනට් මණ්ඩලයට එහා ගිය අමාරුවක්, කුලප්පුවක් වෛද්‍ය වරුන් විදේශ වීම වැලැක්වීමේ නීති දැමීම සඳහා වෛද්‍ය වරුන් වෛද්‍ය පරිපාලකයන්ටම සෑදී තිබීමයි
එය ඉදිරියේදී මානව හිමිකම් නඩු වලට පවා හේතුවක් විය හැක
ශ්‍රී ලංකාවේ සෞඛ්‍යයට අනාගතයේදී දෙවියන්ගේ පිහිට පැතීම හැර විද්‍යාත්මක පිහිට පැතීමට හැකියාවක් නැති බව එමගින් වැඩිදුරටත් පෙන්නුම් කර ඇත
මෙවැනි සෞඛ්‍ය අමාත්‍යාංශ නිලධාරීන් ලෝකයේ කොහේවත් දැකීමට හැකියාවක් නැති වනු ඇත
ලෝකයේ අඩුම පිරිවැයක් සෞඛ්‍යය සහ අධ්‍යාපනය වෙනුවෙන් දරමින් සිටින රටක් වන ශ්‍රී ලංකාව ලෝක සෞඛ්‍ය දර්ශක අතින් ඉතා ඉහළ තලයක තිබියදීත් එය රැක ගනු වෙනුවට එය තවදුරටත් පහළට දැමීමේ වුවමනාවක් මෙම සෞඛ්‍ය අමාත්‍යාංශ නිලධාරීන්ට තිබෙන්නේ ද යන්න බරපතළ කරුණකි
එබැවින් එය බරපතළ සැලකිල්ලට ගෙන ශ්‍රී ලංකාවේ සෞඛ්‍ය ක්ෂේත්‍රය ආරක්ෂා කිරීම වෙනුවෙන් විශේෂයෙන් සොයා බැලිය යුතු කරුණක් වන්නේ ය
මහජන යුතුකම් කේන්ද්‍රය
Be First to Comment